هنانه كل انواع حُب البنات
نبدي
*حب ( أبو يوم ) : اني اكلك شلون .. تتعرف عليك لمدةيوم واحد وبعدين ولا تسأل عن (( رگعةوجهك))
*حب (أبو أسبوع) : نفس النظام لكن المدة هنا تختلف لكن هذا النوع ممكن لو شافك في السوگ تباوع بنص عين
*حب ( لعبان نفس ) : يعني تشوف نفسهه لعبانه تگلك (( أني حاسه انه اكو شي جديد بحياتي ))الصراحه يا (( 000 )) أني أحبك و يكون لا حب و لا هم يحزنون
*حب ( مصالح ) : هذا الحب اظن مفهوم يعني عندك بي ام .. لگزس .. اي سياره كشخه يعني السحليه تمشي وياك حلاوة ولا تنسى يكون عندك(( مني دولار )) و اني شخصياً احتقر النوع بكل معنى الاحتقاااااااااااااار
*حب ( العمر كله ) : يعني الحب الحقيقي الطاهر الينهايته زواج ...
(( كأني اگول فيلم من الخيال صح ))
*حب (( نص العمر )) بالعربي تكونو واكعين واحد باللخ عشق وغرام حب وتضحيه و في الاخر ما تكدر تتزوجها ... و لكل شخص ظروفه
*حب ( صداقة) : وهذا ما احبه .. بس اشرح الكم شلون يعني تگولك البنت اني احبك .. تگوم انت تولع و تفرررررح تقوم تلزگ وراها كلمة((صداقة)) يعني الحب هذايضوج و يحرگ الدم
*حب ( ماله داعي ) : مفهوم
*حب (مال حدايق ) : البنية محدقه ما ورها لا شغلة ولا مشغله تعرفون و تگولك احبك و تعيش نفسها في حب إسمه (( وهم ))( حب مظاهر ) : هذا للناس الي عندهم سكسوكه شعر خنفشاري .. جسم (( معضل )) ولازم موبايل اخر موديل يعني ابو خمس ورقات وفوگاها عيون عسلي – اقصد عدسات عسلي - هع هع
*( حب توريطه ) : يعني بعد ما تضوج منك .. تتصل على البيت و تكول والله ولدكم مضوجني و تسويلك مشااااكل ويه اهلك ...والله الصراحه ما مريت بشي مثل هذا بس سامع
*حب ( مصطبه )=(إحتياط) : الحب هذا ززززززززززززفت تعرف ليش لمن تتعرف عليك و تكون تعرف احد قبلك ما تنطيك وجه ..
و لمن يروح الي قبلك (( تنطيك وجه)) و لمن تتعرف على غيرك عاااااد تصير ما تنطيك وجه و هكذا .... حب يمرض القلب و يسبب قشعريرة في الامعاء الغليظه..
*حب ( طرف واحد) : هذا الحب الي من طرف واحد اذا كان صادق .. من صدگ اگللكم يصير أصعب حب .. تكون انت تموووووت عليهه و هي ولا تدري شنو مغلسه .. على حچي المطرب/خالد عجاج : أصعب حب لما تحس الي انتا بتحبو ما بيحبكش
*حب ( تليفون ) : أظن مفهووووووم على التلفون و ما كو انك تشوفها
*حب ( غلط) : الحب هذا ... شلون اگولكم والله عيب ...
يعني الحب .. أووووووف ...... يعني حب علمود (( قلة ادب )) يعني حب ؟؟؟؟؟؟؟
*حب ( انتر نت ) : أظن انــــــــــــــه مفهوم
*حب (( مقلوبه )) : يعني والله لمن تضوج منك او على گولة المصرين((تزهأ )) تگلب عليك و تتعرف على غيرك بس قبل متروح تسوي فيلم هندي خطير شووووف الصراحه يا ((.....)) اني خليت عقلي براسي .. و ما اريد احچي وي شاب .. و انت خوش ولد وماكو مثلك (( وتضل تصبغ بيك ))
الإثنين يناير 21, 2008 1:23 pm
