زائر زائر
![اختلفنا احنة بعلي و بعمر و بعثمان Empty](https://2img.net/i/empty.gif) | موضوع: اختلفنا احنة بعلي و بعمر و بعثمان الأربعاء يناير 16, 2008 3:34 am | |
| الشاعر صباح الهلالي
بعد ماي الفرات لضيفنا نبدي ... و الگطان الازرگ ما نكر شصة
و كل اسباب جوعي بدون استثناء ... كلها تروح فدوة لورقة الحصة
گَبل خطار اجاني و صادفت عوز ... على خدودي شمع ذابت الگصة
و لان تنوري طين و غيرتة من الگاع ... خلص عدنة العجين استنسخ الگرصة
هسة شبينة ليش؟ و شختلف بالناس؟ ... اذا يلتفت ضيفك ينوكل نصة
اهلنا البيت واحد شو صفوا ضدين؟ ... ملة تلوم ملة و بالگلب غصة
اركض طاح اخوك بظهرة حط سجين .. لا غيرك يذبحة تفوتك الفرصة!
سكرانة العدالة و ناس تاكل ناس ... زمن صارت خوات العلوة و النصة
طم هور الچبايش و انفي كردستان ... و بگلب الرمادي خنجرك رصة
ولك مو عيب! و احنة اللي نشيل الراس ... شلون جفوفنا تگض راسنا تگصة؟؟؟
اختلفنا احنة بعلي و بعمر و بعثمان ... و لو يدري محمد بينا ما وصة
المحتل اطلعة حط ايديك وياي ... يا محتل طلع بالهوسة و الخبصة؟
گطرة حيا آنه و انت گصة
يعرفنا النشد عنة و التگصة
و لك احنة بجسم واحد و التگصة
چفك لا تظن گصيت ايدية
فدوة أرجوك تهدة و تلعن الشيطان ... عسا من غيراك ببختة و بحظة
آنة شردت منك غير ننسى الراح؟ ... و طرفك ع الزعل بيناتنا تغضة
انفطمنة على البنادق و انت تعرف زين ... الشُعيرة بلا نفع لو زعلت الفرضة
آنة و ياك سيف و نذبح الجلاد ... و اذا تعجز ايدينة بلوزتة نعضة
العباس جدنا الما احتاج چفوف ... ظل حد السنون اللازم القبضة
چا شنهي عليمن ليش مختلفين؟؟ ... انا شنهو القبلتة و انت الترفضة؟
يجوز الما اگضة الخلل بالچفين ... اليعبر علية چفوفك تگضة
انا غرگان يمك آني اخو عثمان ... اللي بجسر الائمة ما صفن لحظة
شاف الايد وحدة و ناس ضگها الماي ... و على گد الچفوف الطاحت تشظى
أنا دجلة الخير الما نست عطشان ... و اخوي انت الفرات و ترضى ما ترضى
اختلفنا بأولياء الله و ضعنا
و احنا الساس للدنيا وضعنة
و ربك ما نغير ما نغير من وضعنة
شرط الا تحط ايدك بدية |
|
prince of sadness مافيا خطير
![مافيا خطير مافيا خطير](https://2img.net/i/itest/ranks/default/default4.gif)
![prince of sadness](https://2img.net/u/1413/96/10/07/avatars/118-33.jpg)
عدد الرسائل : 88 العمر : 35 مكان الاقامة : IRAQ/BAGHDAD/Al shalghya city العمر : 18 الاخلاق : تاريخ التسجيل : 03/02/2008
![اختلفنا احنة بعلي و بعمر و بعثمان Empty](https://2img.net/i/empty.gif) | موضوع: رد: اختلفنا احنة بعلي و بعمر و بعثمان الإثنين فبراير 04, 2008 10:51 am | |
| حلو هذا الشعر وان شاء الله ميبقه اي طائفية وتندحر للأبد | |
|
زائر زائر
![اختلفنا احنة بعلي و بعمر و بعثمان Empty](https://2img.net/i/empty.gif) | موضوع: رد: اختلفنا احنة بعلي و بعمر و بعثمان الإثنين فبراير 04, 2008 1:14 pm | |
| انشاء الله حبي ![رمكس](/users/1413/96/10/07/smiles/887241.gif) |
|